१ . अहमदनगर जिल्हा - स्थान व सीमा
स्थान : महाराष्ट्र राज्याच्या नकाशात अहमदनगर जिल्हा दाखवला आहे. हा जिल्हा महाराष्ट्र राज्यात भागात आहे.सीमा : अहमदनगर जिल्हाच्या उत्तरेस नाशिक व औरंगाबाद जिल्हा, पूर्वेस बीड व उस्मानाबाद जिल्हा, पश्चिमेस पुणे व ठाणे जिल्हा, दक्षिणेस सोलापूर जिल्हा आहे.
 |
| महाराष्ट्र राज्य - अहमदनगर जिल्हा |
|
- जिल्ह्याचे मुख्य ठिकाण – अहमदनगर
- क्षेत्रफळ – 17,058 चौ.कि.मी.
- लोकसंख्या – 45,43,083 (सन 2011 च्या जनगणनेनुसार)
- तालुके ( १४ ) – कोपरगाव, आकोले, संगमनेर,श्रीगोंदे, श्रीरामपूर, राहुरी, अहमदनगर, शेवगाव, पारनेर, नेवासे, पाथर्डी, कर्जत, जामखेड (महाल), राहता.
अहमदनगर जिल्ह्यातील प्रमुख स्थळे –- अहमदनगर – शहरातील भुईकोट किल्ला व चांदबिबीचा महाल ही ऐतिहासीक स्थळे प्रसिद्ध आहेत. येथे लष्कराचा वाहन संशोधन व विकास विभाग आहे. सैन्याचे रणगाडा प्रशिक्षण केंद्र येथे आहे.
- अकोले – येथील अगस्तिऋषींचा आश्रम प्रसिद्ध आहे.
- प्रवरानगर – देशातील पहिला सहकारी साखर कारखाना येथेच उभा राहिला.
- नेवासे – येथेच संत ज्ञांनेश्वरांनी ‘ज्ञानेश्वरी’ सांगितली.
- राहुरी – महात्मा फुले कृषी विधापीठ याच ठिकाणी आहे.
- शनि-शिंगणापुर – शनि-शिंगणापुर हे नेवासे तालुक्यात आहे. येथील शनिमंदिर प्रसिद्ध आहे. या गावातील कोणत्याही घराला दरवाजे-कडया नाहीत हे आगळे-वगळे वैशिष्ट्य होय.
- राळेगण सिद्धी – थोर समाजसेवक अण्णा हजारे यांच्या परिश्रमातून या खेड्याचा कायापलट झाला. संपूर्ण व्यसनमुक्त असलेले हे गाव सामाजिक वनीकरण, कुटुंब कल्याण व शिक्षणक्षेत्रात आघाडीवर आहे.
- शिर्डी – साईभक्ताचे श्रद्धास्थान
- सिद्धटेक – येथील गणपतीस श्रीसिद्धीविनायक म्हणून संबोधले जाते.
- भंडारदारा – अकोले तालुक्यात प्रवारा नदीवर ‘भंडारदरा’ हे धरण बांधण्यात आले आहे. निसर्गरम्य परिसरामुळे हे थंड हवेचे ठिकाण पर्यटकांचे आकर्षणस्थळ बनले आहे.
No comments:
Post a Comment